" Avtoyol.az "xəbər verir ki, 90-HK-109 qeydiyyat nişanlı "Vaz 2107" markalı avtomobilin sürücüsü Bakı-Ələt yolunda avto şou göstərərək təhlükəli hərəkətlər etdiyinə görə Dövlət Yol Polisi İdarəsinin əməkdaşları onu saxlayıb.

Bakı Şəhər Dövlət Yol Polisi İdarəsinin şöbə rəisi polis polkovniki Vaqif Əsədov Avtosfer.az-a açıqlamasında bildirib ki, avtomobili idarə edən sürücü 1995-ci il təvəllüdlü Paşayev Mərhəmət Məhəmməd oğlu törətdiyi xətaya görə saxlanılaraq barəsində İnzibati Xətalar Məcəlləsinin 511.1.3-cü maddəsi ilə protokol tərtib olunub. Sürücü barəsində toplanılmış materiallar aidiyyəti üzrə Qaradağ rayon Məhkəməsinə göndərilib.

Məhkəmənin qərarı ilə sürücü 500 manat miqdarında cərimələnməklə nəqliyyat vasitəsini idarəetmə hüququ 1 ilədək məhdudlaşdırılıb.