Bakıda ikinci zolaqda park edən “Galendewagen” markalı avtomobil cərimə meydançasına aparılıb. Avtosfer.az xəbər verir ki, paytaxtın Neftçilər prospekti ilə Rəşid Behbudov küçəsinin kəsişməsində (Dinamo otelinin yanı) 90 XV 091 dövlət qeydiyyat nişanlı “Mercedes “Galendewagen” markalı avtomobilinin sürücüsü mütamadi olaraq yolun hərəkət hissəsində, ikinci zolaqda maşını saxlayaraq digər sürücülərə maneə yaradır.

Dəfələrlə yol polisi əməkdaşları sürücüyə xəbərdarlıq edib. Lakin sürücü əhəmiyyət verməyərək birinci cərgədə yer olduğu halda, ikinci cərgədə avtomobili saxlayıb və hərəkətə maneə yaradıb. Yol polisi əməkdaşlarına qarşı saymazlıq nümayiş etdirən sürücü bu gün sərt çəkildə cəzalandırılıb. Belə ki, DYP-nin təşəbbüsü ilə avtomobil evakuasiya edilərək cərimə meydançasına aparılıb.