Türkiyənin Ərzurum vilayətində sərnişin avtobusunun iştirakı ilə yol-nəqliyyat hadisəsi baş verib. Avtosfer.az yerli KİV-ə istinadən xəbər verir ki, insident bu gün səhər saatlarında Ərzurum-Pazinler avtomagistralının Hamamdərəsi ərazisindən keçən hissəsində qeydə alınıb.
Məlumata görə, Xorasan rayonundan Ərzuruma sərnişin daşıyan R.T.-nin idarə etdiyi 25 BB 153 qeydiyyat nömrə nişanlı sərnişin avtobusu, yolun buzlu və sürüşkən olması səbəbindən idarəetmədən çıxaraq yol kənarına aşıb.
Nəticədə 1 nəfər ölüb, daha 20-si isə xəsarət alıb. Yaralılar, təcili tibbi yardım briqadasının köməkliyi ilə xəstəxanaya çatdırılıblar.
Polis faktla bağlı araşdırmalara başlayıb.
Avtoyol.az saytı "Yol Əhvalatı" adlı rubrikasını təqdim edir. Rubrikada izləyicilərimizin yolda şahidi olduğu və ya ...
ƏTRAFLI
Rəylər