Ukraynanın Xarkov şəhərində iki nəqliyyat vasitəsinin iştirakı ilə ağır yol-nəqliyyat hadisəsi baş verib. Avtosfer.az xəbər verir ki, insident fevralın 5-də axşam saatlarında Kiyev-Xarkov-Doljansk avtomagistralının İzyumsk rayonu ərazisində qeydə alınıb. Bu barədə Ukrayna Milli Polisinin saytında məlumat verilib. 

Məlumata görə, ikinci dərəcəli yoldan əsas yol çıxan “VAZ-2109” markalı minik maşını, “Daewoo Nubir” markalı minik avtomobili ilə toqquşub. Zərbənin şiddətində hər iki maşın deformasiyaya uğrayıb.

Nəticədə “VAZ”ın salonundakı 3 nəfər ilə “Daewoo”da olan 2 nəfər dünyasını dəyişib. Daewoo”dakı daha 1 nəfər isə xəstəxanaya yerləşdirilib.

Faktla bağlı araşdırmalara başlanılıb.