Paytaxtın Nizami rayonunda bir nəfərin xəsarət alması ilə nəticələnən yol-nəqliyyat hadisəsi baş verib.

Oxu.Az-ın məlumatına əsasən, qəza “Xalqlar Dostluğu” metrostansiyasının yaxınlığında qeydə alınıb.

30 saylı marşrut xətti üzrə hərəkətdə olan sərnişin avtobusu sərxoş vəziyyətdə yolu keçən 1970-ci il təvəllüdlü Hətəmi İlqar Mədət oğlunu vurub.

Yaralı 3 saylı Şəhər Klinik Xəstəxanasına çatdırılıb. Ona ayağın sınığı diaqnozu qoyulub.

Faktla bağlı araşdırma aparılır.