Bakıda qayda pozan sürücünün qəza anı kameraya düşüb. Avtosfer.az xəbər verir ki, fevralın 9-da paytaxtın Nobel prospektində yüksək sürətlə hərəkət edən avtomobilin sürücüsü idarəetməni itirərək sağ zolaqda hərəkət edən avtomobillə toqquşub. Qəza nəticəsində hər iki avtomobilə ciddi ziyan dəyib. 

Sosial şəbəkələrdə bu cür qayda pozan sürücülərin videosu yayılanda bir çox şəxslər videonu yayan sürücünü qınayaraq "bəlkə xəstəsi var, bəlkə harasa tələsir" deyərək fikir bildirirlər. Amma bu videodan bir daha aydın olur ki, tələsmək həm özünüz, həm də digər hərəkət iştirakçıları üçün təhlükəlidir.