Rusiyanın Moskva şəhərində 1 nəfərin ölümü, 5 nəfərində xəsarət alması ilə nəticələnən yol-nəqliyyat hadisəsinin görüntüləri təhlükəsizlik kamerasına düşüb. Avtosfer.az “RenTV”yə istinadən xəbər verir ki, insident Kutuzov prospektində qeydə alınıb.

Kadrlarda, minik avtomobilinin yolun əks istiqamətinə çıxaraq irəlilədiyi və qarşıdan gələn mikroavtobusla toqquşduğu görülür.

Nəticədə taksi kimi fəaliyyət göstərən minik avtomobilinin 39 yaşlı sürücüsü hadisə yerində dünyasının dəyişib və onun 23 yaşlı sərnişini yaralanıb. Mikroavtobusda olan 32,27,20,60 yaşlarında olan 4 nəfər də müxtəlif dərəcəli bədən xəsarətləri alıblar.

Yaralılar təcili tibbi yardım briqadasının köməkliyi ilə xəstəxanaya çatdırılıblar.