Azərbaycana gələn yük qatarları hər gün dezinfeksiya olunur - RƏSMİ AÇIQLAMA
Nəqliyyat
24 Fevral 2020 15:26
2268
Bütün sərnişin qatarlarının vaqonları tibbi qutularla, bələdçi heyəti qoruyucu maska və əlcəklə təmin olunub
Son günlər Çində və bir sıra ölkələrdə qeydə alınmış koronavirusun törətdiyi kəskin yoluxucu xəstəliyin yayılması ilə əlaqədar Səhiyyə Nazirliyinin tədbirlər planına əsasən, ölkəmizdə də qabaqlayıcı tədbirlər davam etdirilir.
Avtosfer.az xəbər verir ki, “Azərbaycan Dəmir Yolları” QSC-nin Mətbuat katibliyi şöbəsindən BAKU.WS-ə verilən xəbərə görə, dəmir yolu insanların kütləvi istifadə etdiyi nəqliyyat vasitəsi olduğundan burada sanitariya-epidemioloji tədbirlər daha da gücləndirilib.
Bununla bağlı “Azərbaycan Dəmir Yolları” QSC-nin Həkim-Sanitar Xidməti tərəfindən hazırlanan Tədbirlər Proqramına əsasən, sanitariya-gigiyena norma və qaydalarına, dezinfeksiya rejiminə ciddi əməl edilməsi yoxlanılır. Dəmir yolu ərazisindəki bütün obyektlərin profilaktik və cari dezinfeksiyası aparılır.
“Azərbaycan Dəmir Yolları” QSC-dən daxil olan məlumatda həmçinin qeyd olunur ki, ölkədaxili və beynəlxalq istiqamətdə hərəkət edən qatarlarda lazımi tədbirlər görülür: "Həmçinin sərhəd-keçid məntəqələri gücləndirilmiş rejimdə çalışır. Sərhəd-keçid məntəqələrindən ölkəmizə daxil olan yük qatarlarının bütün vaqonları, eləcə də ölkədaxili və beynəlxalq istiqamətdə hərəkət edən sərnişin qatarları (sərnişinlər vaqonları tərk edəndən sonra) hər gün dezinfeksiya olunur. Bütün sərnişin qatarlarının vaqonları tibbi qutularla, bələdçi heyəti qoruyucu maska və əlcəklə təmin olunub.
Hər hansı xəstəliyə yoluxmaqda şübhəli bilinən şəxs aşkarlanarsa, bu barədə məlumatlar dərhal Həkim-Sanitar Xidmətinə təqdim olunacaq. Dəmir yolu vağzallarının radio qovşaqları vasitəsilə sərnişinlər ümumi gigiyena qaydaları barədə müntəzəm məlumatlandırılır".
Oxşar Xəbərlər
172 nömrəli müntəzəm marşrut xətti üzrə sərnişindaşımaları
13 İyun 2023 10:00
3460
3 müntəzəm marşrutun hərəkət sxemi müvəqqəti olaraq
30 May 2023 10:15
2376
Fəaliyyətimizə siz də töhvə verin
Avtoyol.az saytı "Yol Əhvalatı" adlı rubrikasını təqdim edir. Rubrikada izləyicilərimizin yolda şahidi olduğu və ya ...
ƏTRAFLI
Rəylər