TƏHLÜKƏ: Bakıda avtobus qapısı açıq vəziyyətdə sərnişin daşıyır
Ölkə
05 Mart 2020 12:09
1964
Bakıda daha bir sərnişin avtobusu qaydaları kobud şəkildə pozub. Sürücü avtobusu qapısı açıq idarə edib, ön və arxa qapılardan sərnişinlər sallanaraq gedib. Daha dəhşətlisi isə budur ki, qoşa xəttin tələbini pozan avtobus qarşı yola çıxaraq sürətlə irəliləyib.
105 saylı avtobusun sürücüsü qaydaları kobud şəkildə pozub.
Tıxacda səbri çatmayan sürücü əks yola çıxıb. Hələ bu azmış kimi qapısı açıq şəkildə sərnişin daşıyıb. Bir neçə sərnişin də qapıdan sallanaraq gedib.
Kadrlar ötən gün axşam saatlarında Zabratdan Balaxanıya dönən yolda sürücülərdən biri tərəfindən çəkilib. Aydın olur ki, sərnişinlərin həyatını təhlükəyə atan avtobus 105 saylı xəttə aiddir və avtobusun dövlət qeydiyyat nişanı 90-rb-466-dır.
Yol hərəkəti üzrə ekspert Azər Allahverənov deyir ki, həmin sürücü eyni anda iki qayda pozuntusu edib.
Ekspert deyir ki, həmin sürücü hüquq mühafizə orqanları tərəfindən müəyyən edilərək cərimə edilməlidir.
Məsələ ilə bağlı Bakı Nəqliyyat Agentliyindən bildirildi ki, görüntülər araşdırılıb və xəttin müvəqqəti daşıyıcısı, ''Azlənd MMC''nin rəhbəri Azadxan Xanməmmədov agentliyə çağırılıb və müvafiq göstərişlər verilib. Əgər daşıyıcı təərəfindən təsirli tədbirlər görülməsə, onunla bağlanan müqaviləyə xitam veriləcək.
Bakı Şəhər Dövlət Yol Polisi İdarəsinin bölmə rəisi Vaqif Əsədov bildirdi ki, həmin görüntülər araşdırılacaq və qaydaları pozan şəxs cərimələnəcək.
Oxşar Xəbərlər
Baş DYP İdarəsinin küləkli hava ilə bağlı yol hərəkəti
22.11.2024 17:45
82
Azyaşlının ölümü ilə nəticələnən yol-nəqliyyat hadisəsi ilə
21.11.2024 17:40
23
Fəaliyyətimizə siz də töhvə verin
Avtoyol.az saytı "Yol Əhvalatı" adlı rubrikasını təqdim edir. Rubrikada izləyicilərimizin yolda şahidi olduğu və ya ...
ƏTRAFLI
Rəylər