ABŞ-da “JetBlue” hava yollarına məxsus təyyarə, ön şassisində yaranmış nasazlıq səbəbindən təcili qəza enişi edib. Avtoyol.az Avtosfer.az-a istinadla xəbər verir ki, hadisə Kaliforniya ştatında baş verib.

Qəzanın görüntüləri isə sosial şəbəkədə yayımlanıb.

Kadrlarda, ön şassisinin yanakı vəziyyətdə qaldığı sərnişin təyyarəsinin enişə keçdiyi və ön şassinin uçuş-eniş zolağına sürtülərək alovların çıxdığı görülür.

Qəzadan sonra şassinin diski və şinlərinin asfalta sürtülərək hansı hala düşdükləri də görüntülənib.

Bildirilir ki, insident zamanı xoşbəxtlikdən ölən və ya xəsarət alan olmayıb.