Füzuli rayonunun Böyük Bəhmənli kəndində ölüm və xəsarətlə nəticələnən qəza baş verib.

Avtoyol.az xəbər verir ki, "Daewoo” markalı minik avtomobili  "T-40” markalı traktor ilə  toqquşub. 

Hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələri minik avtomobilində sıxılı vəziyyətdə qalan 1985-ci il təvəllüdlü Məmmədov Cəsur İlqar oğlunun meyitini deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.

Hadisə ilə bağlı araşdırma aparılır.