“Bell” tipli özəl vertolyot evin üzərinə düşüb.

Avtosfer.az-ın xəbərinə görə, hadisə Nigeriyada Laqos şəhərində qeydə alınıb. Bu barədə “Vanqard” qəzeti məlumat yayıb.

Məlumata görə, qəza nəticəsində 2 nəfər ölüb, 1 nəfər isə ağır xəsarətlər alıb. Yaralı xəstəxanaya yerləşdirilib.

Ölən və xəsarət alanların hamısı vertolyotda olanlardır.

Hadisə zamanı evin damı və yaxınlıqda park edilmiş avtomobil də zərər görüb.

Hüquq-mühafizə orqanları tərəfindən qəzanın baş vermə səbəbləri araşdırılır.