Zirehli maşının və minik avtomobilinin iştirak ilə ağır yol qəzası baş verib.

Avtoyol.az Avtosfer.az-a istinad edərək xəbər verir ki, hadisə avqustun 30-da Cənubi Koreyada Poçhom şəhəri yaxınlığında qeydə alınıb.

Bu barədə "Yonhap" agentliyi məlumat yayıb.
Məlumata görə, yerli sakinin idarə etdiyi minik avtomobili, yüksək sürətlə, hərbi baza istiqamətində hərəkətdə olan ABŞ silahlı qüvvələrinə məxsus zirehli maşına arxadan çırpılıb. Zərbənin təsirindən minik avtomobili deformasiyaya uğrayıb. Qəza nəticəsində avtomobilin sürücüsü və 3 sərnişini aldıqları xəsarətlərdən hadisə yerində vəfat ediblər. Zirehli maşında olan biri hərbi qulluqçu isə yaralanıb.