Bakı şəhərinin Suraxanı rayonunda avtobus piyadanı vurub.

Daxili İşlər Nazirliyinin mətbuat xidmətindən verilən məlumata görə, sentyabrın 5-də saat 23 radələrində Suraxanı rayonunun Hövsan qəsəbəsi ərazisində Bakı şəhər sakini A. Əliyev idarə etdiyi "Tata" markalı avtobusla yolu keçən 50-55 yaşlarında kişini vurub. Nəticədə piyada aldığı xəsarətlərdən hadisə yerində ölüb.

Faktla bağlı Suraxanı Rayon Polis İdarəsi tərəfindən araşdırma aparılır.