Hazırda Çinin SAIC konserninə məxsus olan MG markası yeni inkişaf mərhələsinə qədəm qoyub. Yeni mərhələnin ilki MG Pilot krossoveri olmalıdır. Yeni krossover mövcud olan modelləri əvəz etməsə də, MG ZS və MG HS krossoverləri arasında yer alacaqdır. Eyni zamanda, Pilot bir neçə maraqlı xüsusiyyəti ilə diqqət çəkir.

Birincisi, MG markası simasız hərf-rəqəm indekslərindən imtina edərək tam adlara üstünlük verəcəkdir. Əvvəllər belə adlar yalnız digər ölkələr üçün nəzərdə tutulan beyc-inciniriq avtomobillərinə verilirdilər: məsələn, Hindistan üçün nəzərdə tutulmuş MG Hector krossoveri və ya Taylandda satılan MG Extender pikapı. Nəzəri olaraq Honda ilə heç bir ziddiyyət yoxdur: iri Honda Pilot krossoveri hazırda Çində təklif edilmir.

Milli.Az autograph.az-a istinadən bildirir ki, ikincisi, MG Pilot yeni marka dizaynını alan ilk model olub. Bu üslubun əsas xüsusiyyəti bamperin yan hissələri ilə vizual olaraq birləşdirilmiş və aşağıya doğru genişlənən iri radiator barmaqlığıdır. Digər MG modelləri də tezliklə belə bir ön hissəyə sahib olacaqdırlar.

Ümumilikdə, MG Pilot modeli adi bir krossoverdir. Avtomobil LED işıq fənərlərə və 19-düymlük təkər diskləri ilə təchiz edilir Salonda virtual cihazlar panelini və avtomatik transmissiyanın qeydə alınmayan coystiki, opsional Bose səs sistemini və panoramik tavanı görmək olar.

Krossoverin texniki hissəsi barədə hələlik heç bir məlumat verilməyib. Böyük ehtimalla, kapotun altında kiçik həcmli turbomühərriklər yer alacaqdırlar. Eyni zamanda, MG Pilot modeli, interyerin "idman" tərtibatına və sükan çarxında MG Pilot Trophy "döyüş" rejiminin qırmızı düyməsinə malik olan top versiyaya sahib olacaqdır. Krossoverin geniş formatda təqdimatı oktyabr ayında keçirilməlidir.