Bakı Nəqliyyat Agentiliyinin “Nəqliyyat Könüllüləri” proqramının və Azərbaycan Könüllü Təşkilatları İttifaqınının birgə təşkilatçılığı ilə Respublikada fəaliyyət göstərən Azərbaycan könüllüləri “8 mart - Beynəlxalq Qadınlar Günü” münasibətilə təbrik aksiyası keçiriblər.

“Koroğlu” Nəqliyyat Mübadilə Mərkəzində, avtobuslarda və dayancaqlarda könüllülər xanımlara gül təqdim edib, həmçinin "Nizami ili" münasibətilə hazırlanan Nizami Gəncəvinin gözəl kəlamları yazılmış açıqcalar ilə xanımları təbrik edib, onlara qarşıdan gələn xüsusi gün münasibətilə xoş arzularını çatdırıblar. 

Könüllülərin bu sosial təşəbbüsü xanımlar tərəfindən olduqca böyük maraq və rəğbətlə qarşlanıb. Onlar könüllülərə göstərdikləri diqqət və qayğıya görə öz minnətdarlıqlarını bildirib, gələcək fəaliyyətlərində uğurlar arzulayıblar.