+994507882020
info@avtoyol.az
Əsas səhifəNəqliyyat"Volkswagen" yeni iri ölçülü krossover buraxacaq
PAYLAŞ

"Volkswagen" yeni iri ölçülü krossover buraxacaq

Nəqliyyat 31 Mart 2021 09:17 65
Volkswagen tarixindəki ən böyük krossoveri hazırlayır. Talagon adlanacaq model haqqında məlumat Çin Sənaye Nazirliyinin məlumatlar bazasında aşkar edilib. Bu günə alman markasının ən iri modeli ABŞ bazarında Atlas olaraq tanınan, Avropada isə Teramont adlandırılan krossoverdir.

Bununla birlikdə, ölçü baxımından daha iri olan başqa bir krossover yoldadır: Talagon Teramont modelindən 117 millimetr uzun, 13 millimetr enli və 26 millimetr hündür olacaqdır. Beləliklə, VW Talagon modelinin uzunluğu 5153 millimetr, eni - 2002 millimetr, hündürlüyü - 1795 millimetr, təkər bazasının ölçüsü isə 2980 millimetr olacaqdır. Talagon modeli MQB modul platformasının uzadılmış versiyasına əsaslanacaqdır. Dizayn baxımından model, 2019-cu ildə Şanxayda təqdim olunan Volkswagen SMV konseptinin demək olar ki, tam surətidir. Çində Talagon modelini 186 və ya 220 at qüvvəli 2.0-litrlik TSI benzin turbomühərrikilə, birinci halda ön ötürmə, ikincisində isə tam ötürmə ilə təklif ediləcəkdir. Eyni zamanda, əvvəllər 300 at qüvvəli 2.5-litrlik V6 turbomühəırriki haqqında söhbət gəzsə də, çox güman ki, belə bir modifikasiya daha sonra işıq üzü görəcəkdir. Modelin təqdimatının 2021-ci ilin aprelində keçirilməsi planlaşdırılır. Krossoverin istehsalı FAW-Volkswagen birgə müəssisəsində yerləşdirilib.

Oxşar Xəbərlər

Rəylər

Fəaliyyətimizə siz də töhvə verin

Avtoyol.az saytı "Yol Əhvalatı" adlı rubrikasını təqdim edir.  Rubrikada izləyicilərimizin yolda şahidi olduğu və ya ...

ƏTRAFLI

ƏLAQƏ

Bakı şəhəri
Telefon: +994507882020
WhatsApp: +994507882020
E-poçt: info@avtoyol.az