Yenilənmiş BMW X3 modelini radiator barmaqlığı sayəsində ayırd etmək olar: "burunların" hər iki hissəsi daha düzbucaqlı hala gəlib və son modellərdə olduğu kimi mərkəzi zolaqla birləşdirilir. Ön və arxa fənərlər də dəyişib, üstəlik, işıq texnikası qara içliyə sahib olub. Bamperlər fərqli şəkildə tərtib ediblər, arxa hissədə isə ön qanadlardakı "qəlsəmələri" təkrarlayan yalançı hava kanalları peyda olublar.

"Avtoyol.az" Milli.az'a istinadən bildirir ki, interyerin şəkilləri hələlik dərc edilməyib. Ancaq Çində satılan X3 modelinin əvvəlki kimi 2,0-litrlik benzin turbomühərriki, səkkiz pilləli "avtomat" və tam ötürmə sistemi ilə təchiz ediləcəyi məlumdur.

Hazırda Səma İmperiyasında BMW X3 modelinin xDrive 25i (184 at qüvvəsi və 290 Nm), xDrive 28i (224 at qüvvəsi və 310 Nm) və xDrive 30i (252 at qüvvəsi və 350 Nm) versiyaları satışdadırlar. Krossoverin qiyməti 389 800 yuandan başlayır. Yerli bazar üçün krossoverləri Şenyandakı BMW Brilliance birgə müəssisəsi buraxacaqdır.