Bakıda piyadanın vurulması ilə nəticələnən yol qəzası baş verib. 

"Avtoyol.az" xəbər verir ki, hadisə paytaxtın Heydər Əliyev prospektində qeydə alınıb.

Belə ki, 1976-cı il təvəllüdlü Hüseynov Elçin Oktay oğlu Heydər Əliyev prospektində yolu keçmək istəyən zaman onu minik avtomobili vurub.

Yaralı xəstəxanaya çatdırılıb, ona qapalı kəllə-beyin travması diaqnozu qoyulub.

Faktla bağlı araşdırma aparılır.