Vətəndaşlara daha müasir, eyni zamanda daha keyfiyyətli sərnişindaşıma xidmətlərinin göstərilməsi məqsədi ilə bu sahədə çalışan əməkdaşların bilik və bacarıqlarının artırılması tədbirləri davam etdirilir. Bu çərçivədə Fransanın Lumiplan şirkətinin mütəxəssisləri Bakı Nəqliyyat Agentliyinin əməkdaşlarına ictimai nəqliyyatın planlanması ilə bağlı HEURES proqramının “Kartoqrafiya və Nəqliyyat vasitələri üçün qrafiklərin yazılması” modulları üzrə təlim keçirilib. Mərkəzləşdirilmiş Vahid Dispetçer şöbəsinin əməkdaşlarının iştirak etdiyi təlim bir həftə davam edib. Təlimdə iştirakçılara marşrut xətlərinin formalaşdırılması, ictimai nəqliyyatın, eləcə də hərəkət qrafiklərinin planlaması üçün lazım olan digər məlumatların işlənib hazırlanması üzrə praktiki məşğələlər keçirilib. Sonda təlim iştirakçıları Lumiplan şirkətinin sertifikatı təqdim olunub.