Bakı şəhərinin marşrut şəbəkəsində nağdsız ödəniş sisteminin əhatə dairəsinin genişləndirilməsi prosesi davam etdirilir. Nağdsız ödəniş sisteminə keçidin, sərnişindaşımada göstərilən xidmətin keyfiyyətinin artırılması baxımından əhəmiyyətini qeyd edərək bildiririk ki, “BakıKart”-a inteqrasiya qeyri-leqal əmək münasibətlərinin rəsmiləşdirilməsi və şəffaflığın artırılması baxımından da vacibdir. Sərnişindaşımalarda təhlükəsizlik kimi vacib məsələlərin həlli baxımından əhəmiyyətli olan nağdsız ödəniş sistemi, həmçinin bu sektorda sahibkarlığın inkişafında struktur və keyfiyyət dəyişikliyinə də müsbət təsir göstərməkdədir.
 04.08.2021-ci il tarixindən 161 nömrəli marşrut xətti (Hövsan qəsəbəsi - Suraxanı qəsəbəsi) üzrə hərəkət edən avtobuslarda gediş haqqı “BakıKart” vasitəsilə ödəniləcək.

Qeyd edək ki, sərnişinlərin rahatlığının təmin edilməsi məqsədilə Hövsan qəsəbəsi üzrə İbiş Məmmədov 2A (Hövsan qəsəbəsi), Hövsan şosesi (Hövsan qəsəbəsi), Elman Qasımov 113 (Hövsan qəsəbəsi), Oqtay Şabanov küç. (Hövsan qəsəbəsi), İlqar Əhlimanov küç. (Hövsan qəsəbəsi), Elçin Məmmədov 4 (Hövsan qəsəbəsi), Dədə Qorqud qəsəbəsi,İlham Şükürov küç. (Suraxanı rayonu), Balandin küç. (Suraxanı rayonu), A.Rzayev küç.keçid 1849 (Suraxanı rayonu) ünvanlarındakı “OBA” marketlərdə “BakıKart” balansının artırılması üçün POS terminallar quraşdırılıb.

İş prosesinə uyğun olaraq digər marşrut xətləri də mərhələli şəkildə nağdsız ödəniş sisteminə inteqrasiya olunacaq. Bununla bağlı əvvəlcədən məlumat veriləcək