Bakı şəhərinin marşrut şəbəkəsində nağdsız ödəniş sisteminin əhatə dairəsinin genişləndirilməsi prosesi davam etdirilir. Nağdsız ödəniş sisteminə keçidin, sərnişindaşımada göstərilən xidmətin keyfiyyətinin artırılması baxımından əhəmiyyətini qeyd edərək bildiririk ki, “BakıKart”-a inteqrasiya qeyri-leqal əmək münasibətlərinin rəsmiləşdirilməsi və şəffaflığın artırılması baxımından da vacibdir. Sərnişindaşımalarda təhlükəsizlik kimi vacib məsələlərin həlli baxımından əhəmiyyətli olan nağdsız ödəniş sistemi, həmçinin bu sektorda sahibkarlığın inkişafında struktur və keyfiyyət dəyişikliyinə də müsbət təsir göstərməkdədir.

10.08.2021-ci il tarixindən 179 nömrəli marşrut xətti (Pirşağı qəsəbəsi - Azadlıq pr. m/st) üzrə hərəkət edən avtobuslarda gediş haqqı “BakıKart” vasitəsilə ödəniləcək.
Qeyd edək ki, sərnişinlərin rahatlığının təmin edilməsi məqsədilə marşrutun hərəkət sxemi üzrə A.Hüseynov küç.Rəsulzadə qəs.(Binəqədi rayonu), Azadlıq pr.104 (Binəqədi rayonu), 2-ci Mədən (Binəqədi rayonu), Pirşağı qəs. Qızılqum (Sabunçu rayonu), Əjdər Məlikov küç, Pirşağı qəs. (Sabunçu rayonu), Əjdər Məlikovküç , Pirşağı qəs. (Sabunçu rayonu), Sovxoz 2,Cəfərəliyev küç.Pirşağı qəs. (Sabunçu rayonu), 28 May küç 269A, Mehdiabad qəs. (Abşeron rayonu), Cəfər Cabbarlı küç 5, Mehdiabad qəs. (Abşeron rayonu) ünvanlarındakı “OBA” marketlərdə “BakıKart” balansının artırılması üçün POS terminallar quraşdırılıb.
İş prosesinə uyğun olaraq digər marşrut xətləri də mərhələli şəkildə nağdsız ödəniş sisteminə inteqrasiya olunacaq. Bununla bağlı əvvəlcədən məlumat veriləcək