Əsas səhifəNəqliyyat“Nəqliyyat Könüllüləri” təmiz Bakı və sağlam gələcəyi təşviq ediblər
PAYLAŞ

“Nəqliyyat Könüllüləri” təmiz Bakı və sağlam gələcəyi təşviq ediblər

Nəqliyyat 22 Noyabr 2021 16:25 1135

Ekoloji təmiz ətraf mühit və sağlam gələcək üçün emissiyaların həcmlərinin azaldılması, tullantıların idarə edilməsi, təkrar istifadəyə verilməsi və ictimai nəqliyyatdan istifadənin iqlim dəyişikliyinə qarşı mübarizədə rolunu təşviq etmək məqsədilə Nəqliyyat və Eko könüllülərinin “Təmiz Şəhər” ASC-yə təcrübə səfəri təşkil olunub.

Könüllülər simvolik olaraq AVRO 6 standartlarına cavab verən, sıxılmış təbii qazla (CNG) işləyən avtobusla səyahət ediblər. Səfər çərçivəsində “Təmiz Şəhər” ASC-də müasir texnoloji yeniliklər və ətraf mühitin mühafizəsi standartlarına uyğun fəaliyyət göstərən zavodlarla yaxından tanış olublar. Əyani şəkildə könüllülər bərk məişət tullantılarının çeşidlənməsini, həyata keçirilən təkrar emal prosesini, tullantıların idarə olunması, bərk məişət tullantılarının yandırılaraq zərərsizləşdirilməsi prosesi ilə tanış olublar. Məlumat turu çərçivəsində iştirakçılara “Təmiz Şəhər” ASC-nin fəaliyyətini əks etdirən broşürlər paylanıb və tullantıların düzgün idarə olunması ilə bağlı məlumat verilərək sualları cavablandırılıb.

COP26 iqlim dəyişikliyi sammitində karbon emissiyalarının həcminin azaldılması üçün piyada gəzmək, ekoloji təmiz nəqliyyat vasitələrinə üstünlük vermək, ictimai nəqliyyatdan istifadə etmək kimi vərdişlərin artırılması qarşıya məqsəd qoyulub. 

Qarşıya qoyulan hədəflərə çatmaq üçün Dayanıqlı İnkişaf Məqsədləri (DİM) 11 “Şəhər və yaşayış məntəqələrinin açıqlığını, təhlükəsizliyini, davamlılığını və ekoloji dayanıqlılığını təmin etmək”, DİM 13 İqlim dəyişikliyinə qarşı mübarizəyə töhfə vermək üçün Ekologiya və Təbii Sərvətlər Nazirliyi ilə Bakı Nəqliyyat Agentliyi birgə işçi qrupu yaratmışdır. Paytaxtda piyada zonalarının genişləndirilməsi, yaşıllığın artırılması, ekoloji təmiz nəqliyyat vasitələrindən istifadənin təşviq edilməsi, ekoloji-sosial layihələrin həyata keçirilməsi istiqamətində birgə işlər görülür, könüllülərin iştirakı ilə vətəndaşlar arasında geniş maarifləndirmə işləri həyata keçirilir. 

İqlim dəyişikliyi ilə mübarizədə könüllülərin rolu dünya miqyasında danılmazıdr. Davamlı olaraq Nəqiyyat və Eko könüllüləri bu istiqamətdə fəaliyyətlərini davam etdirəcəklər.


MƏNBƏ: bna.az

Oxşar Xəbərlər

Rəylər

Fəaliyyətimizə siz də töhvə verin

Avtoyol.az saytı "Yol Əhvalatı" adlı rubrikasını təqdim edir.  Rubrikada izləyicilərimizin yolda şahidi olduğu və ya ...

ƏTRAFLI

ƏLAQƏ

Bakı şəhəri
Telefon: +994507882020
WhatsApp: +994507882020