4-cü “Nəqliyyat Könüllüləri” proqramına qəbul üzrə müsahibə mərhələsi başa çatıb. Müraciət edən 339 namizəd arasından 120 nəfəri müsahibə mərhələsinə seçilib və 60 nəfəri uğur qazanaraq könüllülük proqramına qəbul olunub.
 
Seçilən könüllülər Agentliyin struktur bölmələrində təcrübəyə cəlb olunacaq və sosial maarifləndirmə tədbirlərində iştirak edəcəklər. 
 
Könüllülərin fəaliyyətləri ilə bağlı yenilik və dəyişikliklər “Nəqliyyat Könüllüləri”nin sosial şəbəkələrdəki rəsmi səhifələrində mütəmadi olaraq yayımlanacaq. 
 
Seçilən bütün könüllüləri təbrik edir və fəaliyyətində uğurlar arzulayırıq!