Könüllülərimiz "Empatiya Həftəsi" çərçivəsində paytaxtın müxtəlif ərazilərində mütəxəssislərimizlə birgə baxış keçirib, vətəndaşların rəy və təkliflərini nəzərə alaraq layihə təklifləri hazırlayıblar.

Agentliyin aparıcı mütəxəssislərinin ekspert qismində iştirak etdiyi görüşdə könüllülər komandalar şəklində işləyərək "Rəvan Yollar", "Qəsəbədən-Şəhərə", "Velosipedlərlə bəzədilmiş yol", "Daşıyıcı bələdçi", "Fandomat" və "İctimai nəqliyyatın hərəkət cədvəli" adlı layihə təqdimatlarını nümayiş etdiriblər. Mütəxəssislər tərəfindən həyata keçirilməsi daha real və məqsədəuyğun hesab edilən təkliflər yüksək qiymətləndirilib.

Layihə təkliflərinin hazırlanmasında əsas məqsəd Bakı Nəqliyyat Agentliyinin paytaxtın əlçatanlığı, təhlükəsizliyi və mobilliyinin təmin edilməsi istiqamətində həyata keçirdiyi fəaliyyətlərə dəstək olmaqdır.