Baş Dövlət Yol Polisi İdarəsinin əməkdaşları Bakı Beynəlxalq Avtovağzal Kompleksində hava şəraiti ilə əlaqədar sürücülərlə görüş keçirib

Ölkə 07 fevral 2023 19:00 2075

Avtovağzal kompleksinin rəhbərliyi ilə birgə təşkil olunmuş tədbirdə Baş DYP İdarəsinin Hərəkətin təhlükəsizliyinin təbliği və ictimai qurumlarla əlaqə şöbəsinin baş inspektoru, polis kapitanı Toğrul Nəsirli, həmin şöbənin inspektoru, polis leytenantı Elvin Hacıyev və YPX Alayının qərargahının baş inspektoru, polis baş leytenantı Hatəm Müslümov iştirak edib.

Görüş zamanı sərnişindaşıma fəaliyyəti kimi məsuliyyətli sahədə çalışan sürücülərə hüquq və vəzifələri haqda bir daha məlumat verilib, bununla yanaşı səfərə çıxmazdan əvvəl nəqliyyat vasitələrinin texniki vəziyyətinə, xüsusilə də bəzi yerlərdə yol örtüyünün buz bağlaması səbəbindən mövsümi şinlərdən istifadə, avtomobilin şüşəsilənlərinin, işıq cihazlarının saz vəziyyətdə olmasına nəzarət edilməsi kimi vacib məsələlərlə bağlı təbliğat-təşviqat işi aparılıb.

Məlumatı AvtoYol.az dyp.gov.az-a istinadən təqdim etdi.

TEQLƏR: Baş Dövlət Yol Polisi İdarəsinin əməkdaşları Bakı Beynəlxalq Avtovağzal Kompleksində hava şəraiti ilə əlaqədar sürücülərlə görüş keçirib

MƏNBƏ: dyp.gov.az

Rəylər

Telefon: +994507882020

WhatsApp: +994507882020

E-poçt: [email protected]