Şəmkir RPŞ-nin DYP bölməsinin əməkdaşları tərəfindən həyata keçirilən tədbirlər nəticəsində narkotik vasitənin təsiri altında avtomobil idarə edən sürücünün qanunazidd hərəkətlərinin qarşısı alınıb.

Belə ki, Etibar Cəfərov idarə etdiyi  “VAZ 21011” markalı, 57-BP-246 dövlət qeydiyyat nişanlı nəqliyyat vasitəsi svetoforun qadağan işarəsi verilərkən hərəkətini davam etdirdiyi üçün yol-patrul xidməti əməkdaşları tərəfindən saxlanılıb. Sənədlərin yoxlanılması zamanı sürücünün nəqliyyat vasitəsini idarə etmək hüququnun olmadığı məlum olub və onun hərəkətləri şübhə doğurduğundan tibbi müayinədən keçməsi təmin olunub. Müayinə zamanı E.Cəfərovun narkotik maddə qəbul etməsi müəyyən edilib.

E.Cəfərovun barəsində Azərbaycan Respublikasının İnzibati Xətalar Məcəlləsinin müvafiq maddələrinə əsasən inzibati  protokol tərtib edilərək baxılması üçün məhkəməyə göndərilib. Məhkəmənin qərarı ilə E.Cəfərov inzibati qaydada həbs edilib.

Məlumatı AvtoYol.az dyp.gov.az-a istinadən təqdim etdi.