Vətəndaş müraciətləri əsasında Bakı Nəqliyyat Agentliyi tərəfindən Lökbatan yolu, “Cənub Qapısı” yaşayış kompleksi və Zabrat-Kürdəxanı şosesində “Bakı” yaşayış kompleksinin qarşısında nizamlanan piyada keçidləri təşkil edilib.

Layihədən əvvəl mövcud olan problemlər:

Ərazidə piyada keçidinin olmaması;

Sürücülərin sürət həddinə əməl etməməsi səbəbindən qəza risklərinin yüksək olması;

Piyada infrastrukturunun qənaətbəxş olmaması.

Görülən işlər çərçivəsində:

Yeni svetofor obyektləri quraşdırılıb;

Svetofor dirəklərində çağırıcı qurğular yerləşdirilib;

Müvafiq nişan və nişanlanma xətləri təşkil edilib;

Səkilər, panduslar və gözdən əlil şəxslər üçün yola yaxınlaşma barədə xəbərdaredici səthlər (taktil döşəmə) inşa edilib.

Görülən işlərin nəticəsi olaraq:

Ərazidə piyadaların təhlükəsizlik səviyyəsi artırılıb;

İnşa edilmiş səkilər, panduslar, xüsusilə svetofor dirəklərində quraşdırılmış çağırıcı qurğular sayəsində piyadaların, həmçinin gözdən əlil şəxslərin rahatlığı və təhlükəsizliyi təmin edilib;

Piyadaların iştirakı ilə yol nəqliyyat hadisələrinin baş vermə ehtimalı minimuma endirilib.