Beynəlxalq əməkdaşlıq çərçivəsində ölkəmizdə həyata keçirilən E-Nəzarət Platformasının əsas məqsədi əhalinin üzləşdiyi problemləri çevik şəkildə aidiyyəti qurumlara çatdırmaq və onların həllinə nail olmaqdır.

Təşkilatçıların çoxsaylı dövlət qurumlarının, QHT-lərin və mətbuat nümayəndələrinin iştirakı ilə təşkil etdiyi “Dəyirmi masa”da Platformaya daxil olmuş müraciətlər, onların icra vəziyyəti müzakirə edilib.

Tədbirdə iştirak edən DİN BDYPİ-nin əməkdaşı Mübariz Ağayev təmsil etdiyi qurum tərəfindən vətəndaş cəmiyyəti institutlarının fəaliyyətinə göstərilən dəstək, polisə əlçatanlığının təmin edilməsi istiqamətində görülən işlər, bu sahədə QHT və media subyektləri ilə birgə əldə olunan nailiyyətlər haqda iştirakçılara məlumat verib.

Tədbirin sonunda vətəndaşların müraciətlərinə baxılması və qaldırılan məsələlərin həllində fəallıq göstərdiklərinə görə bir sıra qurumlar, o cümlədən Azərbaycan Respublikası Daxili İşlər Nazirliyinin Baş Dövlət Yol Polisi İdarəsi təltif edilib.

Məlumatı AvtoYol.az dyp.gov.az-a istinadən təqdim etdi.