Azərbaycan Memarlıq və İnşaat Universitetində (AzMİU) tələbələrin məşğulluğunu artırmaq məqsədilə keçirilən karyera sərgisində Bakı Nəqliyyat Agentliyi təmsil olunub.

Agentliyin stendi tələbə və məzunlar tərəfindən maraqla qarşılanıb. Xüsusilə paytaxtımız Bakının hər kəs üçün əlçatan, təhlükəsiz və dayanıqlı mobil şəhərə çevrilməsi istiqamətində həyata keçirilən layihələr təqdim edilib, eləcə də Agentliyin fəaliyyəti barədə məlumat verilib.

Bakı Nəqliyyat Agentliyinin uğurla həyata keçirdiyi "Nəqliyyat Könüllüləri" proqramına böyük maraq göstərilib. Bu proqram nəqliyyat sahəsində təhsil alan gənclərin üz tutduğu yeganə könüllülük platformasıdır. Hər il AZMİU-nun yol-nəqliyyat, daşımalar ixtisaslarında təhsil alan gənclər proqrama müraciət edərək bilik və bacarıqlarını inkişaf etdirirlər.