Bakı Nəqliyyat Agentliyi tərəfindən bir müddət əvvəl Müzəffər Nərimanov və Volodarski küçələrinin kəsişməsində (Ulduz dairəsi) yol hərəkətinin təşkilində dəyişiklik həyata keçirilib. Belə ki, hərəkəti buraxma qabiliyyətinin artırılması məqsədilə kəsişmədə dairəvi hərəkət ləğv olunub və nizamlanan yolayrıcı təşkil edilib.

Layihənin icrasından sonra:

Kəsişmənin Müzəffər Nərimanov küçəsi istiqamətində hərəkəti buraxma qabiliyyəti 31% artmış, hərəkət sürəti isə 60% artaraq 35 km/saat təşkil etmişdir.

Xəlil Rza Ulu Türk küçəsi istiqamətində isə hərəkəti buraxma qabiliyyəti 35 % artmış, hərəkət sürəti isə 20 % artaraq 42 km/saat təşkil etmişdir.

Ümumilikdə isə kəsişmədə hərəkəti buraxma qabiliyyəti 40%, hərəkət sürəti isə orta hesabla 30-35% artmışdır.