Cəfər Cabbarlı küçəsi ilə Bəsti Bağırova küçəsinin kəsişməsində nizamlanan yolayrıcı təşkil edilərək piyada təhlükəsizliyi səviyyəsi artırılıb. Belə ki, yol kəsişməsində həyata keçirilən tədbirlər nəticəsində yol kəsişməsində svetofor obyekti quraşdırılıb, müvafiq yol nişanları quraşdırılıb və nişanlanma xətləri çəkilib. Eyni zamanda nizamlanan eynisəviyyəli piyada keçidləri təşkil edilib.

Layihənin icrası nəticəsində isə kəsişmənin buraxıcılıq qabiliyyəti artırılıb, hərəkət növbəliliyi təmin edilib və nəqliyyat vasitələrinin, həmçinin piyadaların təhlükəsizlik səviyyəsi artırılıb.