Respublikanın şəhər və rayonlarında fəaliyyət göstərən uşaq-gənclər inkişaf mərkəzlərində yaradılmış “Yol hərəkəti qaydaları” adlı dərnəklərdə təhsilverənlərə əməli köməklik göstərilməsi məqsədilə Elm və Təhsil Nazirliyinin 1 nömrəli Uşaq-Gənclər İnkişaf Mərkəzinin DİN-in Baş Dövlət Yol Polisi İdarəsi ilə birgə həyata keçirdiyi layihə uğurla davam edir.

Ötən tədris ilindən icrasına başlanılmış sözügedən layihənin ilkin mərhələsində respublikanın 52 rayonunda fəaliyyət göstərən UGİM-lərin 117 müəllimi iştirak edib.

Paytaxtın ixtisaslı pedaqoqları ilə yanaşı DYP əməkdaşlarının da aktiv iştirak etdiyi “Yollar, qaydalar və biz” adlı növbəti tədbir Mingəçevir Uşaq-Gənclər İnkişaf Mərkəzində təşkil olunub.

Məlumatı AvtoYol.az dyp.gov.az-a istinadən təqdim etdi.