Bakının Qaradağ rayonunda yol-nəqliyyatı hadisəsi zamanı bir nəfər ağır xəsarət alıb. Avtosfer.az APA-ya istinadən xəbər verir ki, hadisə Lökbatan qəsəbəsində baş verib. 1991-ci il təvəllüdlü Qurbanov Əhməd Əhliman oğlu yolu keçərkən onu Elnur Niftəliyev idarə etdiyi "Mercedes" markalı avtomobillə vurub. Yaralı 1 saylı şəhər xəstəxanasına çatdırılıb.

Faktla bağlı Qaradağ Rayon Polis İdarəsində araşdırma aparılır.