Adi Bentley Bentayga krossoverinin yeniləməsindən sonra, krossoverin ən bərkgedən versiyası olan Speed modifikasiyası da yenilənib. Resept eynidır: dizaynın Continental GT və Flying Spur ilə unifikasiyası, interyerin yenilənməsi və standart avadanlıqların siyahısına yenidən baxılması.

Əlavə ödəniş ilə Black Specification paketini əldə etmək olar. Bu dəsti sifariş edərkən, bütün xrom dekor elementləri parlaq qara rənglisi ilə əvəz ediləcək, ön splitter, yan ətəklər və spoyler karbon lifindən hazırlanacaqdır. Arxa diffuzor və 22-düymlük təkər diskləri də qara rəngə boyanacaqdır.

Salonda 10,9-düymlük sensor ekranı, Apple CarPlay və Android Auto dəstəyi, USB-C portları, siqnalı gücləndirən simsiz doldurma sistemi və My Bentley onlayn servislərinə daxil olmağa imkan yaradan quraşdırılmış SIM kartı olan mediasistemini görmək olar. Krossoverin avadanlıq siyahısına naviqasiya sistemi, proyeksiya ekranı və rəqəmsal cihazlar paneli də daxildir. İnteryer tərtibatında dəri, alkantara və karbondan istifadə olunur.

Bentley Bentayga Speed modeli əvvəlki kimi 635 at qüvvəsi və 900 Nm fırlanma anı hasil edən 6,0-litrlik W12 mühərriki ilə təchiz edilir. Transmissiya - ZF firmasının istehsalı olan 8-pilləli avtomatik ötürmələr qutusundan, Torsen mərkəzi differensialdan və elektron kilidlənməsi olan arxa differensialından ibarətdir. Məlum məsələdir ki, ötürmə tamdır. Rəvan yüksək sürətlə hərəkət edərkən, sistem transmissiyanı mühərrikdən ayıraraq Sail rejiminə keçir və yanacağa qənaət etməyə başlayır.

Drive Dynamic rejimləri adi Bentayga modelində olduğu ilə eynidir - lakin, speed modeli üçün Sport rejimi və dartma vektoruna nəzarət sistemi yenidən tənzimlənmişdir. Bentayga Speed modelinin dinamik xüsusiyyətləri də dəyişməyib: krossover 100 km/saat həddinə 3,9 saniyəyə sürətlənir və 306 km/saatlıq maksimal sürət həddinə malikdir.

autograph.az