İngiltərənin London şəhərində sürücü çəhrayı rəngli “McLaren 570S” markalı avtomobillə qəza törədib.

Avtoyol.az Avtosfer.az-a istinadla xəbər verir ki, hadisə paytaxtın prestijli rayonlarının birində qeydə alınıb. Məlumata görə, yüksək sürətlə hərəkətdə olan “McLaren”, sürücünün idarəetməsindən çıxaraq  “Volkswagen Golf” markalı avtomobilə çırpılıb.Yerli yanğınsöndürmə briqadasının əməkdaşı Saymon Tuhill öz “Twitter” hesabından yazıb ki, qəza maksimal sürət həddinin 32 km/saat olduğu küçədə baş verib. “McLaren 570S”in fotolarından da görülür ki, avtomobil açıq-aydın sürətlə sürülüb və buna baxmayaraq “Volkswagen Golf” markalı avtomobil bərk əzilməkdən yayına bilib.  “McLaren 570S” super maşının qiyməti 200 min dollardır (340,000 azn).