Avtoyol.az autograph.az-a istinadla xəbər verir ki, İmmendingendəki poliqonda keçirilən sınaqlar, hiperkarın 1,6-litrlik V6 turbomühərrikini və dörd elektrik mühərrikindən ibarət olan mürəkkəb güc qurğusunu tənzimləmələrinin başa çatdırılmasıdır.  Mercedes F1 W07 Hybrid bolidinin adaptasiya edilmiş güc qurğusu seriya variantına daha yaxındır, lakin mühəndislər hələ də bir sıra problemləri həll etməlidirlər. Bunların arasında yüksək səs-küy səviyyəsi də var. Buna görə də, sınaqlar paralel olaraq stendlərdə və simulyatorlarda davam etdiriləcəkdirlər.

Eyni zamanda, kupenin aktiv aerodinamikasına da daha çox diqqət yetiriləcəkdir. Bu sahədəki işlər ön bamperdəki çəpərciklərin, qanadlardakı kəsiklərin və iri arxa antiqanadın qarşılıqlı əlaqəsinə aiddir. Hər şey uğurlu alınsa, gələn ildən başlayaraq hiperkarlar sifarişçilərə göndəriləcəkdirlər. Mercedes-AMG One modelinin ümumi tirajı 275 nüsxədən ibarətdir və onların hamısı artıq satılmışdır.

Superhibridin hər bir alıcısına xüsusi sifarişlə hazırlanmış yarış əlcəkləri veriləcəkdir. Şirkətdən onların ələ mükəmməl şəkildə  uyğun gələcəyini və yarış treklərində dövrə vaxtını yaxşılaşdıracağını bildiriblər. Hər bir avtomobilin sahibinə əlin surətini çıxarmaq üçün xüsusi qutu və yazılı təlimat verilib.