“The Drive” nəşrinin bildirdiyinə görə, artıq bir neçə aydır ki, Hyundai Palisade sahibləri salondan gələn xoşagəlməz qoxudan şikayət edirlər. Onlar bu qoxunu çürümüş qida və köhnə corab qoxusunun kəskin qarışığı kimi səcciyələndirirlər. Şirkət problemdən xəbərdar olsa da, hələ də qoxunun mənbəyini tapa bilməyib.

Öz növbəsində, Cars.com portalı qoxunun mənbəyinin oturacağın arxasında və ya başlıqlarda olduğunu güman edib. Jurnalistlər başlıqları bir neçə günlük çıxararaq eksperimet keçiriblər, amma qoxu yenə də yox olmayıb. Soda məhlulu ilə oturacaqların dərisinin təmizlənməsi də kömək etməyib. Dezodorantdan istifadə isə, yalnız qısa müddətə qoxunun qarşısını almağa yardım edib.