İki nəqliyyat vasitəsinin iştirakı ilə ağır yol qəzası baş verib.

Avtoyol.az Avtosfer.az-a istinad edərək xəbər verir ki, hadisə avqustun 29-da Çuvaşiya Respublikasında Tsivilsk – Ulyanovsk avtomagistralının 89-cu kilometrliyində Batırevsk rayonu ərazisindən keçən hissəsində qeydə alınıb.  

Məlumata görə, hərəkətdə olan “Hyundai Solaris” markalı avtomobil, sürücünün idarəetməsindən çıxaraq yolun əks istiqamətinə çıxıb və qarşıdan gələn “DAF” markalı yük maşını ilə toqquşub.

Zərbənin təsirindən minik avtomobili deformasiyaya uğrayıb.

Qəza nəticəsində biri qadın olmaqla, ümumilikdə 4 nəfər dünyasını dəyişib. Vəfat edənlər 20-23 yaşları arasında olan Çuvaşiya və Dağıstan vətəndaşlardır. 

Faktla bağlı araşdırmalara başlanılıb.