İki nəqliyyat vasitəsinin iştirakı ilə ağır yol qəzası baş verib. Avtosfer.az “TASS”a istinadən xəbər verir ki, hadisə Rusiyanın Orenburq əyalətində  “Orenburq – Akbulak” şosesinin 86-cı kilometrliyində qeydə alınıb.

Məlumata görə, 45 yaşlı sürücü idarə etdiyi “VAZ-21140” markalı minik avtomobillə, hərəkətdə olarkən sükan idarəetməsini itirərək yolun əks istiqamətinə çıxıb və qarşıdan gələn “Scania” markalı yük maşını ilə toqquşub. Zərbənin şiddətindən yerində fırlanan “VAZ” yük maşınının altında qalaraq deformasiyaya uğrayıb.

Qəza nəticəsində minik avtomobilinin sürücüsü və 4 sərnişini aldıqları xəsarətlərdən hadisə yerində vəfat ediblər.

Faktla bağlı araşdırma aparılır.