Acura VDX Type S modelinin ilk kütləvi nümayişi isə, 27 İyunda Koloradodakı əfsanəvi Pikes Peak International Hill Climb yarışları çərçivəsində keçiriləcəkdir: burada Acura MDX Type S krossoveri yarış bolidlərini daşılan yedək avtomobili rolunu oynayacaqdır.

Üç oturacaq cərgəsinə malik olan beş metrlik “bərkgedən” krossoverun görünüşü daha aqressiv olub: Type S versiyası adi krossoverdən başqa bamperləri, xırda özəkləri olan radiator barmaqlığı, xromu əvəzləmiş qara dekoru, 21-düymlük təkər diskləri, habelə buraxılış sisteminin dörd “lüləsi” ilə fərqlənir. İnteryerin fotoşəkilləri hələlik dərc edilməyib. Amma ən vacib olan avtomobilin  texniki hisssidir.

Acura MDX Type S modelinin kapotunun altında 360 at qüvvəsi və 480 Nm fırlanm anı hasil edən 3,0-litrlik V6 turbomühərriki yerləşir. Belə aqreqatlar "bərkgedən" Acura TLX Type S sedanlarında da quraşdırılırlar.

Güc qurğusu ilə birlikdə işləyən 10-pilləli "avtomat" və SH-AWD tam ötürmə sistemi baza krossoverində olduğu ilə eyni olsalar da, lakin özünəməxsus  tənzimləmələrə malikdirlər. Əlavə olaraq, krossover ekstremal Sport + hərəkət rejimi ilə də təchiz olunub.

Yeni MDX modeli ikiqollu ön asqısı olan “döyüş” şassisinə malikdir (əvvəlki nəsildə McPherson dayaqları var idi), Type S versiyasının şassisi isə idman xarakterini bir qədər də artırıb. Bundan başqa, ön oxda dördporşenli Brembo əyləcləri quraşdırılıb. Qalan detallar payıza planlaşdırılan satışlar öncəsi açıqlanacaqdırlar.