Təəssüflə qeyd edilməlidir ki, hələ də yollarımızda texniki-təhlükəsizlik baxımından istismara yararsız, müasir təhlükəsizlik tələblərinə cavab verməyən nəqliyyat vasitələrinə rast gəlinir və ölümlə nəticələnən qəzaların bir çoxu da məhz belə nəqliyyat vasitələrinin iştirakı ilə baş verir.

Bu yaxınlarda Şəmkir rayonu ərazisində 5 nəfərin ölümü ilə nəticələnən hadisəyə diqqət yetirsək , bir daha qənaətimizin doğru olduğunu görərik. Belə ki, sözügedən yol-nəqliyyat hadisəsi kobud qayda pozuntusu səbəbindən baş versə də, qəzada iştirak edən “VAZ” markalı avtomobillərin müasir təhlükəsizlik elementləri ilə təchiz edilməməsi hadisənin ağırlıq dərəcəsinin artmasına əhəmiyyətli dərəcədə təsir göstərdi. Təbii ki, həmin avtomobillərdə müasir tələblərə cavab verən aktiv, passiv və qəzasonrası təhlükəsizlik sistemləri mövcud olsaydı, nəticə bu qədər faciəvi olmazdı.

Ona görə də arzuolunan haldır ki, sürücülərimiz texniki-təhlükəsizlik baxımından kifayət qədər köhnə və müasir təhlükəsizlik tələblərinə cavab verməyən nəqliyyat vasitələri ilə yollara çıxaraq həm özləri, həm də digər yol hərəkəti iştirakçıları üçün təhlükə yaratmasınlar.

Məlumatı AvtoYol.az dyp.gov.az-a istinadən təqdim etdi.